Vichekesho vya baadhi ya Wabunge wa CCM Bungeni

“Mheshimiwa Spika, kabla sijaingia kuchangia bajeti hii, nataka niseme kuwa naona upinzani wamefikia pabaya sana, wanaikashifu serikali sikivu ya CCM.
Chama kimefanya mengi sana,
maendeleo makubwa tumepata,
shule za msingi, sekondari na vyuo viko vingi sana
tofauti na zamani,
barabara za lami, umeme nchi nzima mpaka vijijini, lakini wapinzani wanakebehi.
Naipongeza sana serikali ya Chama Cha Mapinduzi.
Mheshimiwa Spika, bila kupoteza muda sasa niingie kwenye jimbo langu, naomba nielezee kwa kifupi
matatizo ya jimbo langu.
Kule hatuna shule za sekondari katika kata sita, maji ni ndoto, tunategemea mvua za msimu. Shule zilizopo hazina ubora wala walimu wa kutosha.
Rais alikuja sasa ni miaka sita akatuahidi umeme lakini mpaka
leo hakuna lolote.
Barabara ni mbovu hazipitiki.
Nauliza ni lini serikali hii ITATUSIKIA NA KUTULETEA
MAENDELEO?” (Wab unge Makofi)
kwa! Kwa! Kwa!.
Naombeni sana tena sana jimbo langu liangaliwe kwa jicho la
Huruma.
Baada ya kusema hayo
Mheshimiwa Spika, naunga mkono bajeti kwa 100%

vp wewe mbunge wako anawateteaje bungeni?

Toka Analogia (CHADEMA) Hamia Dijitali (CCM)

Badili fikra na mawazo yako kutoka analogia(CHADEMA) na kuhamia digital(CCM) ole wako uking’ang’ania analogia,utakufa bila haki yako kuiona.tuma ujumbe huu kwa watu 10 wambie ndiyo tunakuja.Tumeanza na tutafanya kweli mpaka kieleweke 2015.

Hivi kati ya CHADEMA na CCM nani analogia na nani digitali?

Misemo ya Wabunge Bungeni Tanzania

Je wajua hii misemo ya wabunge bungeni?

Wabunge wa bunge la Tanzania kwa nyakati tofauti ndani na nje ya bunge wamekuwa wakitoa misemo mbalimbali na ya ajabu yenye kujenga, kubomoa na kuchekesha kila mtu aliyesikia, ona kwa macho au kupitia TV au kusoma magazetini

Rais ni Mdhaifu

-John Mnyika

Tumefika hapa tulipo kwa sababu ya udhaifu wa Rais

-John Mnyika

Problems cannot be solved by the same level which create them

-Mch. Peter Msigwa

Mchungaji wa Mbuzi na Kuku

-Mangunga

F. U. C. K , You

-Serukamba

Rais ndiye chanzo cha vurugu za kidini

-Godbless Lema

Dhambi mbaya kuliko zote duniani. Ni woga

-Godbless Lema

Waziri mkuu aliidanganya serikali

-Godbless Lema

Wapinzani wanangoa watu kucha na meno

-Manyanya na Mwingulu

Siongei na mbwa naongea na mwenyembwa

-Nkamia.

Wapinzani ni wahuni

-Samwel Sitta

Mhuni ni wewe mwenye kadi mbili ya CCM na CCJ

– Upinzani – CHADEMA

Wanaume wanapoongea watoto wakiume wakae chini
Mwigulu Nchemba

Edward Lowassa Kuihama CHADEMA

Wazili Mkuu ALIYEJIUZULU kwa kashfa, Edward Lowasa ambaye mwaka jana alijiengua kutoka CCM na kuhamia CHADEMA, anatajariwa kukihama nacho na kuingia chama kingine wakati wowote kuanzia sasa.

Tayari Lowasa amemtanguliza mmoja kati ya “maswahiba” wake wakubwa wa kisiasa, Goodluck Ole Medeye (UDP) ili kuandaa “Mapito ya Bwana” kama ilivyokuwa kwa Yohana Mbatizaji, yule ambaye alifanya hivyo kwa ajili ya Yesu wa Nazareth kwa mujibu wa Vitabu vitakatifu.

Mwaka uliopita, Medeye naye alijiengua CCM akikerwa na hatua ya Kamati kuu ya Chama hicho kuliengua jina la Lowasa katika kinyang’anyiro cha uteuzi wa mgombea wa kiti cha uraisi, lakini alianza kwa kukanusha kujiunga rasmi chadema kwa kusema ni mshauri wa kisiasa wa mbunge huyo wa zamani wa Monduli, mkoa wa Arusha.

Lakini wmezi uliopita, Medeye aliyewahi kuwa Naibu Waziri wa Ardhi, Nyumba na Maendeleo ya Makazi wakati wa Serikali ya Awamu ya Nne, alijiengua tena Chadema na kuhamia UDP na kuteuliwa na Kamati Kuu ya Chama hicho, siku hiyohiyo kuwa Kaimu Katibu Mkuu.

Habari zilizopatikana kutoka ndani ya chama hicho zinasema kuwa hatua ya mwanasiasa huyo kuhamia huko haikuja kama bahati mbaya, nali kilichofanyika ni kutangulizwa na Lowasa kabla yeye mwenyewe hajafanya hivyo pia hapo baadaye.

Inagwa haikuthibitishwa mara moja kutokana na kutopatikana kwa Mwenyekiti wa UDP, John Cheyo, habari zilizolifikia gazeti hili saa chache kabla ya kuingia mitamboni jana, zinasema wanasiasa hao wawili tayari wamefikia makubaliano ya kukabidhiana madaraka kwa mbunge huyo wa zamani wa Bariadi Mashariki mkoani Simiyu, kustaafu kukiongoza chama hicho.

Chanzo cha habari hizi kinasema baada ya kuzidiwa takribani kura 2,200,000 tu hivi na Raisi John Magufuli katika uchaguzi mkuu wa Oktoba, 2015, wataalamu na washauri wa kisiasa wa Lowasa aliyegombea pia wadhifa huo kupitia Chadema, walifanya utafiti na kugundua kwamba angeshinda kama angefanya vizuri katika mikoa iliyopo kanda ya Ziwa.

“Utafiti wao unaonyesha kwamba ushindi wa Magufuli ulikuwa mkubwa Zaidi katika eneo hilo, ;akini alifanya vibaya sanna katika Kanda za Kaskazini hususan ya Arusha na Kilimanjaro ambako Lowasa alishinda kwa Zaidi ya 80%, kimesema chanzo hicho cha habari ambacho hata hivyo hakikutaka kutaja jina lake.

Msukumo mkubwa wa Lowasa kuanza kujipanga kuihama Chadema umeelezwa kuwa kutokana na kugonga ukuta kwa nia yake ya kutaka kugombea uenyekiti wa chama hicho, nafasi ambayo sasa inashikiliwa na mbunge wa Hai, Freeman Mbowe ambaye naye hataki kuiachia.

Mbowe aliyeshika wadhifa huo mwaka 2004, akiurithi kutoka kwa mtangulizi wake, Bob Makani ambaye kwa sasa ni marehemu, amekuwa akigombea peke yake tokea wakati huo na mwaka 2009, kiongozi huyo aliingia kwenye mgogoro mkubwa baina yake na aliyekuwa Naibu Katibu Mkuu wa Chadema Bara, Zitto Kabwe ambaye alijitosa kutaka kumng’oa.

Pamoja na kuwepo na baadhi ya wanachama na viongozi wa chama hicho waliotaka naye astaafu kama walivyofanya watangulizi wake, Mzee Edwin Mtei na baadaye Marehemu Bob makani ili wadhifa huo sasa ushikwe na mtu mwingine, Mbowe na wapambe wake katika upande wao nao wameelezwa kwamba hawapo tayari kuona jambo hilo linatokea.

Hali hiyo ndiyo imemlazimisha Lowasa na wafuasi wake kuamua kuondoka na kufuata chama kingine ambapo, hapo ndipo ikapatikana UDP kutokana kwa sababu kubwa mbili.

Kwanza, Cheyo ambaye amekuwepo madarakani akiwa Mwenyekiti wa chama hicho tokea kianzishwe takribani miaka 25 iliyopita, inaelezwa kuwa ‘amechoka’ kisiasa na kifedha, hivyo alichokuwa anatafuta ni kupokelewa nafasi hiyo na mtu mwingine, lakini alikuwa hajapatikana kutoka ndani ya chama hicho chenyewe, fursa iliyoonekana kuwa nzuri kwa Lowasa kwenda kumrithi kwa kuhamia huko.

Sababu ya pili iliyoelezwa na kundi la Lowasa kutafuta chama cha siasa ambacho itakuwa rahisi kwao kupokelewa katika mikoa ya Kanda ya Ziwa, hivyo ikaonekana kuwa UDP ndilo eneo muafaka kwa vile inasemakana kwamba inafahamika vya kutosha katika eneo hilo.

Mikoa iliyolengwa Zaidi ili kufikia lengo la kupata kura nyingi kwa Lowasa na kushinda kiti cha Uraisi katika uchaguzi mkuu ujao 2020 ni Kagera, Mwanza, Mara, Simiyu, Shinyanga, Geita, Tabora na Singida ambayo mwaka jana inaaminika kwamba ‘ilimbeba’ Raisi Magufuli kuipata nafasi hiyo.

“Kwa hiyo, Medeye ametangulizwa na haya ni makubaliano kati ya Lowasa na Cheyo mwenyewe. Ndiyo maana siku alipopewa kadi ya uanachama ndiyo ileile ambayo pia aliteuliwa kuwa Kaimu Katibu Mkuu wa UDP” kimesema chanzo hicho cha habari.

Kimebainisha kuwa kuhamia kwa Lowasa katika chama hicho, kutaambatana na kundi la baadhi ya waliokuwa wakuu wa wilaya ambao wiki iliyopita ‘walitemwa’ katika uteuzi wa kwanza wa nafasi hizo unaofanywa na Rais Magufuli tangu alipoingia madarakani.

Madai yaliyopo ni kuwa baadhi ya wakuu wa wilaya walioachwa katika uteuzi mpya, wameadhibiwa kwa kutuhumiwa kuendelea kuwa wafuasi wa Lowasa hata baada ya kujiengua kwake kutoka CCM, kisha kuhamia Chadema alikoteuliwa kuwa mgombea urais wa chama hicho huku akiungwa mkono na kile kinachoitwa Umoja wa katiba ya Wananchi (UKAWA)

Habari hizo zinadai kuwa kwa kutumia nyazifa zao hizo za kisiasa katika uongozi wa serikali, baadhi ya wakuu wa wilaya walikuwa wakiihujumu CCM ili ing;olewe madarakani, na pia walikuwa wakifanya hivyo ili kumsaidia Lowasa ashinde na kuwa Rais wa Serikali ya Awamu yaTano.

Mbali na hao, baadhi ya wabunge wa sasa wa CCM waliokuwa wafuasi wake tangu akiwa katika chama hicho, watajiuzulu nyazifa zao hizo na kuhamia UDP kwenda kuijenga ili iwe imara, lengo likiwa ni kushinda uchaguzi ujao wa mwaka 2020 na kumwingiza ikulu

Pamoja na baadhi yao kutajwa kwa majina na majimbo wanayoyawakilisha bungeni, gazeti hili halikutaka kuyaweka hadharani ingawa wapo wanaofahamika kwa sababu walikuwa pamoja naye ‘kwa muda wote’ kipindi ambacho ilikuwa kabla na wakati wa mchakato wa kutafuta mgombea wa uraisi kupitia chama hicho kilichopo madarakani.

Mbali na hao, baadhi ya wabunge wa Chadema pia watahama naye kwa kile kinachoelezwa kwamba, Lowasa alitoa fedha nyingi kuoitia kwa viongozi wao wakuu wa chama ili wapewe ziwasaidie kushinda nafasi hizo, lakini hakuna aliyepewa na ikabidi watumie zao weneywe huku wengine wakikopa na kuingia kwenye madeni makubwa

NA MWANDISHI WETU DAR,
MWANAHABARI 5-11 JUL 2016

SABABU 20 ZA CCM KUSHINDWA UCHAGUZI MKUU 2015 HIZI HAPA

Na Thobias Odhiambo

SABABU 20 ZA CCM KUSHINDWA UCHAGUZI MKUU 2015 HIZI HAPA

Mimi ni mwanaCCM kindakindaki na ni mtu nisiyependa kupindisha mambo….nyeupe naiita nyeupe na nyeusi naiita nyeusi….sina unafiki hata tone! Nimetafakari kwa kina sana na kubaini kwamba kuna sababu takribani 20 zitakazopelekea chama changu cha CCM kushindwa uchaguzi mkuu wa mwaka huu wa 2015. Katika makala haya (Part One) nitaelezea sababu kumi na katika makala yatakayofuata hivi punde nitaelezea sababu zingine 10 zinazobaki. Kusema kweli chama changu kina hali mbaya sana mwaka huu ijapokuwa wanaCCM wenzangu hawataki kusema ukweli. Naona dhamira inanisuta kwa kuendelea kukalia ukweli huu pasipo kuuweka wazi ili wanaCCM wenye mapenzi mema na chama chetu waweze kutafakari kwa kina na hatimaye kutafutia ufumbuzi ili walau tuweze kupata 40% ya kura zitakazopigwa mwaka huu. Nionavyo mimi ni vigumu sana kwa chama changu kupata walau 30% ya kura katika uchaguzi huu. Naona kadri siku zinavyokwenda kitanzi kinazidi kukaza shingoni mwa chama changu. Kila siku huwa najiuliza, “ Hivi CCM tutaficha wapi aibu zetu mwaka huu?”. Natamani baada ya uchaguzi niikimbie nchi ili kuficha aibu hii.

Zifuatazo ni sababu 10 kati ta 20 zitakazopelekea chama changu cha mapinduzi (CCM) kushindwa uchaguzi mkuu Oktoba, 25:

1. TUHUMA ZA UFISADI
Wapinzani wetu wa kisiasa (UKAWA) wamefanikiwa kuitumia kete hii vizuri kwa kuwafahamisha wananchi kinagaubaga kuhusu tuhuma za ufisadi zinazokiandama chama chetu, hasa pale walipofanikiwa kuuaminisha umma wa watanzania kwamba ufisadi wa CCM ni wa kimfumo, sio wa mtu mmoja mmoja. Hoja hii ni ya kweli kwa 80%, kwa kuwa chama ni watu na haiwezekani wanachama wote wakawa wasafi. Nakiri kwamba hii hoja ni nzito na ni ya kweli. Naomba wanaCCM wenzangu tukubaliane na hili na hatimaye tutafute namna ya kukisafisha chama mbele za wananchi ili tuweze kuchagulika tena. Tangu zamani chama chetu kimekuwa kikitumbukia kwenye tuhuma hizi mara kwa mara lakini badala ya kulishughulikia tatizo hili tumeacha lizidi kushamiri na kukomaa. Hapa ndipo watanzania walipoanza kupoteza imani na chama chetu.

2. MAFISADI KUSHINDA KURA ZA MAONI
Kuna baadhi ya makada kwenye chama chetu wanaojulikana kwa sifa (mbaya) ya ufisadi lakini wameshinda kura za maoni kwa kutumia hila na chama chetu kitawapitisha kugombea ubunge. Siana haja ya kuwataja makada hao kwa kuwa wanajulikana bayana kwa kila mtanzania. Wamo waliohusika na ufisadi wa rada, EPA na hata ESCROW lakini bado chama chetu kinazidi kuwakumbatia badala ya kuwafukuza na kuwavua uanachama. Tabia hii ya chama chetu kuwaabudu na kuwasifu mafisadi imepelekea wananchi kukata tamaa. Hata viongozi wanaposimama majukuwaani na kukemea mafisadi wakati wamejaa tele ndani ya chama wananchi hawatuelewi hata kidogo. Hili ni kosa kubwa sana litakalochangia kwa kiasi kikubwa kutuangusha kwenye uchaguzi wa mwaka huu. Ukumbatiaji wa mafisadi ndani ya chama ni kansa itakayokigharimu chama chetu. Hii tabia ya kuzoa kila aina ya waovu na kuwaingiza ndani ya chama inawachefua sana wananchi ambao ndio wapiga kura wetu.

3. RUSHWA KWENYE CHAGUZI ZA NDANI
Tangu uteuzi wa mgombea wa urais kwa tiketi ya chama chetu, kashfa ya rushwa na ununuzi wa wapigakura imekuwa ikishamiri, kukua na kuota mizizi. Kumbukuka yule mhidi aliyekamatwa na viroba vya noti akitaka kuwahonga wajumbe wa mkutano mkuu ili kuwashawishi wajumbe wampigie kura mtu anayetakiwa na kikundi kidogo cha watu. Sitaki kuingia kwa undani zaidi kwenye sula hili hasa ukizingatia namna lilivyomalizwa kwa aibu huku mwanaCCM aliyehusika kugawa zile noti akishinda kura za maoni ya kugombea udiwani katika jimbo jipya la Mbagala. Ni aibu sana kwa chama chetu.

Chaguzi zetu za ndani mwaka huu zimegubikwa mno na rushwa huku baadhi ya makada wakiwanunua wapiga kura na kucheza rafu za hapa na pale ilmradi tu waingie madarakani. Tumeshuhudia wagombea wakitengeneza kadi feki na kuwagawia mamluki waliowapigia kura na kisha kushinda kura za maoni. Na kwa kuwa katibu mkuu wetu, Bwana Kinana, amesema kwamba hawatarudia makosa ya mwaka 2010, ni dhahiri kwamba wagombea wote waliopita kwa rushwa watateuliwa kupeperusha bendera ya chama chetu dhidi ya UKAWA. Hili ni kosa kubwa sana kisiasa. Haiwezekani wananchi wameshuhudia namna kura zilivyokuwa zikinunuliwa kama njugu halafu uwapelekee wagombea hao waovu kwamba wawapigie kura. Thubutu! Wananchi wa sasa sio kama wale wa enzi za Mwalimu Nyerere. Watatuangusha mchana kweupe! Kitendo cha ufisadi kushamiri chamani hadi kulazimisha kununua uongozi ni jambo la hatari sana litakalochangia kuanguka na hatimaye kufa kwa chama chetu. Nitoe rai kwa wanaCCM wenzangu watakaoshiriki vikao vya mchujo wawaondoe wagombea wote walioshinda kwa hila ama sivyo chama chetu kitaangamia.

4. UTEUZI WA MGOMBEA MWENZA MWANAMKE
Zaidi ya 51% ya wapiga kura wote hapa nchini ni wanawake. Kwa maana hiyo, CCM tulitumia kete ya kuteua mgombea mwenza mwanamke kwa ajili ya kuvutia kura za wanawake. Hili ni kosa kubwa sana. Kwa kawaida wanawake hawapendani wao kwa wao. Ni rahisi mpigakura mwanamke kumpigia kura mgombea wa kiume kuliko mwanamke mwenzake. Na kitendo hiki cha kuteua mgombea mwanamke kwa malengo “chanya” sasa kitageuka kuwa shubiri kwa chama chetu. Na kitapelekea wanawake kuwapigia kura wagombea wa UKAWA badala ya CCM. Kwanni nasema hivyo? Ni jambo lililo wazi kwamba mwanamke huwa hapendi kuona mwanamke mwenzake anakuwa juu au anapiga hatua zaidi yake. Hii ni hulka ya kijenetiki ambayo haiwezi kubadilishwa na binadamu yeyote. Kama busara ingetumika tangu zamani tungeweza kuepuka kikwazo hiki mapema lakini kwa kuwa tayari mgombea alishathibitishwa, hakuna jinsi zaidi ya kujiandaa kisaikolojia kwa lolote litakalotokea.

5. “MAISHA BORA KWA KILA MTANZANIA”
Wakati Rais wetu Kikwete anaingia madarakani aliwaaminisha wananchi kwamba watapata “MAISHA BORA KWA KILA MTANZANIA”. Lakini mpaka rais wetu anaondoka madarakani, hakuna jipya lililofanyika. Maisha yamekuwa magumu mara 20 zaidi ya ilivyokuwa kabla chama chetu cha CCM hakijaingia madarakani mwaka 2005. Ugumu wa maisha unabainishwa na kupanda kwa gharama za bidhaa sokoni. Nakumbuka wakati rais anaingia madarakani mwaka 2005 kilo moja ya sukari ilikuwa inauzwa Tsh 300. Mpaka anaondoka madarakani hivi sasa bei ya sukari ni Tsh 2,000. Bei imepanda kwa 500%. Hii maana yake ni kwamba ugumu wa maisha pia umeongezeka kwa kiwango hicho. Katika hali kama hii ni mwananchi gani atakayekubali kudanganywa tena safari hii? wanaCCM wenzangu naomba tujipange sawasawa tutafute majibu tutakayoenda kuwaambia wanachi wakati tunaenda kusaka kura mwaka huu maana nina uhakika kwamba tutakumbana na maswali mengi sana huko mtaani hasa kuhusu kupanda kwa gharama za maisha, jambo ambalo limekwenda kinyume na kaulimbiu yetu ya “MAISHA BORA KWA KILA MTANZANIA”. Tujitafakari kwanza kabla ya kwenda kusimama mbele ya wanachi tukiwaomba kura.

6. KUHAMA KWA LOWASSA
WanaCCM wengi tunabeza kuondoka kwa Lowassa hadi kufikia kumuita eti ni kapi! Tunajidanganya sana ndugu zangu. Mh Lowassa bado ana nguvu nyingi na kadri tunavyozidi kumchafua ndipo nyota yake inazidi kung’ara. Tazama jinsi wanaCCM wenzetu wanavyohama chama na kujiunga UKAWA. Hamjiulizi kwanini? Ni mwendawazimu pekee anayeweza kubeza nguvu za kisiasa za Mh Lowassa. Kosa tulilolifanya kukata jina lake tutalijutia milele na litatugharimu pakubwa. Wakati Lowassa anatafuta wadhamini kupitia chama chetu alipata wadhamini zaidi ya milioni moja na kuna mamilioni ya wengine ambao wanamuunga mkono lakini hawakupata nafasi ya kumdhamnini. Ni dhahiri kwamba hata baada ya kuhama lazima atahama na mamilioni kadhaa ya wanaCCM mioyoni mwao ijapokuwa bado wanajifanya wapo ndani ya CCM. Hawa ndio watakaotuangamiza siku ya uchaguzi. Tutarajie na tujiandae kulipukiwa na bomu hili. Nadhani nimeeleweka vizuri.

7. UVAMIZI
Lengo na madhumuni ya kuanzishwa kwa TANU na hatimaye CCM lilikuwa kuwakomboa wanyonge. Hivi sasa tumeshuhudia chama chetu kikivamiwa na mafisadi na watu wachache walio tayari kuingia madarakani kwa nguvu za fedha. Kwa sasa ni vigumu mkulima wa kawaida asiyekuwa na uwezo wa kifedha kupata uongozi ndani ya chama chetu. Hii maana yake nini? Inaashiria kwamba sasa chama hiki ni cha watu wachache wenye fedha wanaoweza kuwanunua wapigakura na kushinda uchaguzi kiulani kwa manufaa yao binafsi—sio kwa manufaa ya kuwatumikia wananchi. Wananchi wa kawaida, ambao ndio wengi, wamegundua hilo na kujitenga mbali kabisa na chama. Wanakiona chama hakina manufaa kwao tena zaidi ya wachumiatumbo wachache ambao wamekigeuza chama chetu kuwa kampuni yao binafsi ya kuchumia fedha na maslahi binafsi. Jambo hili limejenga chuki kwa wananchi wa kawaida hivyo kupelekea kukichukia chama chetu huku mwakisubiri kuonyesha hasira zao hizo kupitia sanduku la kura. Nimshukuru katibu mkuu wetu kwa kujitahidi kukifufua chama lakini jitihada zake zimekosa sapoti.

8. UONGO, UNAFIKI NA UZANDIKI
WanaCCM wenzangu ni hodari sana kwa kutunga uongo na kuulazimisha kuwa ukweli. Hili ni kosa kubwa sana. Wananchi wa sasa wameamka. Huwezi kuendelea kuwadanganya kama watoto wadogo ukitegemea kwamba watakuwelewa. Mfano halisi ni pale tunapojaribu kuwaaminisha kuwa chama chetu bado kina uwezo wa kuendelea kuwatumikia wananchi wakati tukitambua fika kwamba chama kimechoka na kimeshindwa kuleta mwanga wa matumaini kwa watanzania. Tuache unafiki ndugu zangu. Hata punda hana akili lakini ukimbebesha mizigo mizito sana, ipo siku atakugezia kibao akukupiga mateke ya tumbo na kukupasua bandama. Tunapaswa kutambua kwamba wananchi wamekichoka chama chet. Hawana hamu nacho tena. Tujipange na kujitafakari namna ya kurejesha imani ya watanzania kwa chama chetu.

9. VIJIWE VYA KAHAWA
Ukipita katika vijiwe vingi vya kahawa na visivyo vya kahawa vinavojadili masuala ya siasa utagundua kwamba Lowassa anaungwa mkono na zaidi ya 98% ya wananchi. Katika vijiwe vyote nilivyopita utamkuta mtu mmoja anayemuunga mkono mgombea wa CCM huku 99 waliobaki wanamuunga mkono Lowassa. Katika akili za kawaida hata bila kuingia mtaani kufanya utafiti wa kina utagundua wananchi wengi wana imani na Lowassa ambaye ni mgombea wa UKAWA dhidi ya Magufuli, mgombea wa chama chetu cha CCM. Sihitaji kwenda mbali zaidi kwenye hoja hii kwa kuwa ukweli unajidhihirisha wazi.

10. UTAFITI WA REDET
Katika utafiti uliofanywa na REDET , TWAWEZA na watafiti wengine, nyota ya Lowassa bado inazidi kung’ara. Utafiti huo ulionyesha kuwa Lowassa anaongoza, akifuatiwa na Dr Slaa. Kwa kuwa sasa Lowassa yupo kambi moja na Dr Slaa. Ni wazi nguvu zao zimeunganishwa pamoja ndani ya UKAWA na hivyo kuzidi kuwang’arisha zaidi. Badala ya kutafuta mbinu ya kumg’arisha mgombea wa chama chetu, Dr Magufuli, tumekazana na Lowassa kila kukicha. WanaCCM wenzangu tujitazame upya. Siasa za majitaka zimeishapitwa na wakati. Badala ya kuwarubuni polisi kuvamia maandamano ya UKAWA, tujumuike pamoja kujenga chama chetu ili tuone kama tutashinda uchaguzi wa mwaka 2020 kwani uchaguzi wa mwaka huu tayari tumeishaangukia pua.

ANGALIZO
Mimi ni miongoni mwa wanaCCM wachache wanaoweza kuthubutu kusema ukweli bila kupepesa macho wala kutikisa masikio. Mwalimu Nyerere aliwahi kutuasa kwamba mtu anayeficha ugonjwa huumbuliwa na kilio. Ndugu zangu naomba tujitafakari na tujisahihishe. Tusiangalie pale tulipoangukia pale tuangalie tulipojikwalia. Msema ukweli ni mpenzi wa Mungu. Sasa hivi chama chetu kina hali mbaya sana. Ni vema tukiri ukweli huo na tuanze kujkijenga chama kuanzia sasa tukijiandaa kushika dola tena mwaka 2020, mwaka huu hatuna chetu. Afadhali nionekane mbaya kwa kusema ukweli kuliko kuwa mnafiki kwa kukumbatia uongo, unafiki, uzabizabina na uzandiki. Nimetumbua jipu pwaaaaaaa!