Toka Analogia (CHADEMA) Hamia Dijitali (CCM)

Badili fikra na mawazo yako kutoka analogia(CHADEMA) na kuhamia digital(CCM) ole wako uking’ang’ania analogia,utakufa bila haki yako kuiona.tuma ujumbe huu kwa watu 10 wambie ndiyo tunakuja.Tumeanza na tutafanya kweli mpaka kieleweke 2015.

Hivi kati ya CHADEMA na CCM nani analogia na nani digitali?

Lowassa, akimnadi John Mnyika Kibamba

JOHN MNYIKA AFUNGUKA BAADA YA KIMYA CHA MUDA KUHUSU MSIMAMO WAKE DHIDI YA LOWASSA

TAARIFA KWA VYOMBO VYA HABARI

Mtakumbuka ni muda sasa sijaonekana wala kusikika katika harakati za kisiasa. Leo nimependa kuweka bayana ili umma wa watanzania ufahamu kwani kumekuwa na upotoshwaji mkubwa juu ya ukimya wangu.

Napenda umma wa watanzania ufahamu yafuatayo:-

1. Msimamo wangu wa kuitaka serikali imkamate Mh Edward Lowassa, imhoji na imchukulie hatua kwa mujibu wa sheria kutokana na ushiriki wake katika kashfa ya RICHMOND haujabadilika kama ambavyo niliwahi kusema nikiwa mkurugenzi wa vijana wa CHADEMA tar 25 Februari 2008 na kipindi chote nikiwa Mbunge wa Ubungo.

Hivyo nategemea kuanzishwa kwa mahakama ya mafisadi Lowassa ndiyo atakuwa wa kwa. Siwezi kusaliti msimamo wangu bora nipoteze ubunge wangu.

2. Sikukubaliana na utaratibu uliotumika kumpata mgombea urais ndani ya Chama changu hususani ujio wa Mh Edward Lowassa mmoja wa watu ambao ni mizizi ya ufisadi hapa nchini. Hali hii ilinilazimu nikae kimya kutokana na kutokuamini kilichokuwa kinatokea hususani kwa Chama kama CHADEMA kilichojijenga na kujipatia umaarufu kwa kuongoza mapambamo dhidi ya rushwa, ubadhirifu, ufisadi na uwajibikaji mbovu wa serikali halafu tukasaliti msimamo wetu kwa uharaka wa kuipata dola! Sikukubaliana na sijakubaliana hata sasa.

3. Napenda kuzungumzia utendaji wa serikali ya Dkt Magufuli. Naomba Ifahamike nimekuwa mara zote nikisema matatizo ya msingi ya nchi yetu hayasababishwi na mapungufu ya sheria ila Kwa kiasi kikubwa yanasababishwa na kulegea kwa misingi ya utawala wa sheria na uwajibikaji miongoni mwa viongozi. Hivyo kwa asilimia kubwa naona Dkt Magufuli ameweza kujibu nilichokuwa nikikilalamikia kwa muda sasa. Haya mengine yanazungumzika.

4. Sikubaliani pia na mtazamo wa baadhi ya viongozi wakiwemo wa Chama changu wanaotaka fedha za walipa kodi ziendelee kuteketea kwa ufisadi na ubadhirifu huku wahusika ambao ni wachache wakilindwa kwa kisingizio cha haki za binadamu. Kwa hili nampongeza Mh Rais kwa msimamo na hatua anazochukua japo apanue wigo ili watanzania maskini wanufaike na utajiri wa rasilimali walizojaliwa.

5. Vile vile naomba kuzungumzia mwenendo wetu kambi rasmi ya upinzani bungeni au UKAWA binafsi sifurahishwi na maagizo na maelekezo ya viongozi wetu juu ya kuingia na kutoka bungeni kwa hoja ambazo haziwagusi wananchi moja kwa moja kiasi cha kutufanya tushindwe kutimiza majukumu yetu kama wabunge kwa mujibu wa Ibara ya 63 (2) na (3) katiba ya Jamhuri ya Muungano wa Tanzania ya kutunga sheria, kuisimamia serikali, kuwawakilisha wananchi na kupitisha mipango ya maendeleo. Sifurahishwi sababu kutoka Kwetu hakuna la msingi tunalofanya kwa ajili ya wananchi waliotutuma huko bungeni. Tusipobadilika itatugharimu!

Mwisho nawatakia waumini wote wa kiislamu mfungo mwema wa mwezi mtukufu wa Ramadhan.

Imetolewa leo tar 3 Julai 2016.

John Mnyika (Mb)
0754 694 553

TAARIFA KWA VYOMBO VYA HABARI NA UMMA – KUHUSU KUFUNGULIWA KWA KESI MBILI NA CHADEMA

TAARIFA KWA VYOMBO VYA HABARI NA UMMA

KUHUSU KUFUNGULIWA KWA KESI MBILI; KUOMBA KUTENGULIWA KWA ZUIO LA JESHI LA POLISI NA BUNGE LIVE

Taarifa inatolewa kwa umma  kuwa Baraza la Wadhamini wa Chama cha Demokrasia na Maendeleo (CHADEMA) na Katibu Mkuu wa Chama, wamefungua shauri Mahakama Kuu Kanda ya Dar es Salaam (main registry) kuiomba mahakama hiyo itengue uamuzi wa Jeshi la Polisi nchini kupiga marufuku, mikutano na maandamano ya vyama vya siasa nchi nzima.

Katika shauri hilo la madai namba 43, 2016, wadai hao wanaiomba Mahakama Kuu kufuta/kutengua zuio la mikusanyiko/mijumuiko ya kisiasa ya vyama vya siasa kwa kipindi kisichojulikana lililotolewa na Mkuu wa Jeshi la Polisi nchini  (IGP), kwa sababu;

Halikuwashirikisha.
Halikuwapatia haki ya kusikilizwa.
Ni uonezi.
Linaua demokrasia nchini.
Halina mipaka wala sababu za msingi kisheria na kimantiki.
Limezidi mamlaka ya polisi kisheria.

Shauri hilo limetajwa leo Juni 27, 2016, mbele ya Jaji Kiongozi Prof. Ferdinand Wambali ambapo upande wa Serikali utatakiwa kuleta hati ya kiapo kinzani, Juni 30, mwaka huu, kabla mahakama hiyo haijakaa kuanza kusikiliza maombi madogo (leave) Julai 1, saa 8 mchana mbele ya Jaji Kiongozi ambapo uamuzi unatarajiwa kutolewa Julai 4, mwaka huu.

Wakati huo huo, Chama kinapenda kutoa taarifa kwa vyombo vya habari na umma wa Watanzania kwa ujumla kuwa katika jitihada za kuhakikisha nchi yetu inaongozwa kwa misingi ya katiba na sheria, kimewatafutia mawakili wananchi walioamua kufungua kesi ya Kikatiba, Mahakama Kuu wakipinga kuminywa kwa matangazo ya moja kwa moja ya vikao vya bunge (Bunge Live).

Wadai hao; Azizi Himbuka, Perfect Mwasilelwa, Moza Mushi, Hilda Newton, Penina Nkya, Rose Moshi, Kubra Manzi, Andrew Mandari, Ben Rabiu Saanane, Juma Uloleulole na Ray Kimbito, wamefungua kesi hiyo ya Kikatiba namba 13, 2016 wakidai kuwa;

Wanayo haki ya kikatiba kupata habari na kushiriki moja kwa moja au kupitia wawakilishi wao katika shughuli zote za uongozi na kuisimamia serikali. Kutokana na kuwepo kwa mminyo huo wa matangazo ya bunge, wananchi hao wanashindwa kuona moja kwa moja namna ambavyo Serikali inawajibika ili waweze kutoa maelekezo stahiki kwa wabunge wao.

Katika kesi hiyo iliyotajwa leo Juni 27, mbele ya Jaji Kiongozi Ferdinand Wambali, wadai hao wanasema kuwa kutokana na mminyo huo wa matangazo ya moja kwa moja ya vikao vya bunge, wanashindwa kujua wabunge wao wanasimamia vipi serikali  ili waweze kujua na kutathmini uwakilishi wao bungeni.

Aidha wadai hao wanasema kuwa kwa kuangalia mahitaji ya utawala bora na uwazi katika zama za maendeleo ya teknolojia ya habari na mawasiliano, matangazo ya moja kwa moja ni sehemu muhimu ya haki ya kupata habari ambayo ni haki ya kikatiba.

Kesi hiyo nambari 13 ya mwaka huu itasikilizwa mbele ya Majaji watatu; Jaji Kiongozi Wambali, Jaji Kihiyo na Jaji Munisi, ambapo Julai 15, mwaka huu asubuhi, ndipo itaamriwa siku ya kuanza kusikilizwa kwa kesi hiyo, baada ya upande wa serikali kuwa umeleta hati ya utetezi Julai 11 kama ulivyotakiwa na Mahakama hiyo leo.

Hatua hiyo ya CHADEMA kuwasaidia wananchi hao kupata mawakili ni mwendelezo wa juhudi za chama kuchangia mapambano ya demokrasia na kulinda utawala bora unaozingatia katiba na sheria za nchi ili kuwapatia wnaanchi haki na matumaini katika nchi yao ambayo ndiyo msingi imara ya amani na utulivu wa kweli katika jamii.

Imetolewa leo Jumatatu Juni 27, na;

Tumaini Makene
Mkuu wa Idara ya Habari na Mawasiliano
CHADEMA

DK. Vincent Mashinji Katibu Mkuu Mpya CHADEMA Machi 2016

DK. Vincent Mashinji Katibu Mkuu Mpya CHADEMA Machi 2016

DK. Vincent Mashinji ameteuliwa kuwa Katibu Mkuu mpya wa Chama cha Demokrasia na Maendeleo (Chadema) na kupitishwa na Baraza Kuu la Chadema, katika kikao chake kilichokaa jijini Mwanza, anaandika Mwandishi Wetu.

Katika Kikao hicho cha Baraza Kuu, Freeman Mbowe alitangaza jina la Dk. Mashinji na kuungwa mkono na wajumbe wa baraza hilo, hivyo anajaza nafasi iliyoachwa na Dk. Willibrod Slaa, aliyejienguwa ukatibu mkuu wa chama hicho.

Jina la Dk. Machinji halikuwa miongoni mwa wanachama wa Chadema ambao walikuwa wanatarajiwa kumrithi Dk. Slaa kwani waliokuwa wanatabiriwa kukatia kiti hicho ni Salum Ally Mwalimu, Frederick Sumaye, Benson Kigaila, John Mnyika, Dk. Marcus Albanie na Prof. Mwesiga Baregu.

Nafasi ya Katibu wa Chadema ilikuwa wazi tangu Dk. Slaa alipoondoka Chadema muda mfupi baada ya chama hicho kumpitisha Edward Lowassa aliyetokea CCM kuwa mgombea urais wa chama hicho na kuungwa mkono na vyama vinavyounda Umoja wa Katiba ya Wananchi (Ukawa).

Wasifu (CV) ya Katibu Mkuu wa Chadema Dk. Vincent B. Mashinji

Professional experience

Clinical Advisor & TB/HIV lead

UMSOM-IHV

July 2008 – Present

ART Program Doctor/IMA team lead

IMA Worldhealth

August 2006 – June 2008 (1 year 10 months)

Medical Officer/Anaesthesiology

Regency Medical Centre

October 2005 – August 2006 (10 months)

Medical Officer

Muhimbili National Hospital

August 2003 – October 2005 (2 years 2 months)

Research Assistant

Freelance

November 2002 – August 2003 (9 months)

Intern Doctor

Muhimbili National Hospital

September 2001 – October 2002 (1 year 1 month)

Education history

Open University of Tanzania

PhD

August 2010 – Present

AMREF/UCLA Anderson School

MDI Certificate

April 2010 – April 2010

Blekinge Institute of Technology

MBA

September 2007 – March 2010 (2 years 6 months)

UMSOM-IHV

IPEP Certificate

May 2008 – May 2008

Evin School of Management

Certificate in CSR

October 2005 – October 2005

Muhimbili University College of Health Sciences

MMed/Anaesthesiology

September 2003 – April 2005 (1 year 7 months)

Muhimbili University College of Health Sciences

Certificate in Research Methodology

September 2004 – September 2004

Makerere University

MBChB

October 1995 – July 2001 (5 years 9 months)

Mzumbe High School

ACSEE

July 1992 – June 1994 (1 year 11 months)

St. Pius X Seminary, Makoko

GCSEE

January 1988 – October 1991 (3 years 9 months)

Iligamba Primary School

Leaving Certificate/Primary School

January 1981 – October 1987 (6 years 9 months)

LOWASSA KAMA SAULI

Fred Mpendazoe kwenye gazeti la Raia mwema toleo la 417
 la tarehe 5 Aug 2015 kaandika hivi:

NIMEONA ni vema niandike makala hii baada ya kupigiwa simu nyingi sana na wasomaji wa Raia Mwema baada ya Edward Lowassa kuhamia Chadema. Wengi wameomba maoni yangu na wengine uchambuzi.
Katika makala hii mimi nitaeleza maoni yangu tu. Nilikuwa nimeanza kuandika makala juu ya tabia ya unafiki ya wana CCM ambao kila mara hunukuu maandiko kadhaa ya Hayati Mwalimu Nyerere kwenye hotuba zao kwenye majukwaa na mikutano ya kisiasa lakini ukiwaambia wahame CCM wanakataa kata kata. Mimi nilikuwa najiuliza hawa wanamuenzi vipi.
Wakati wa huduma ya Nabii Issa ilipokuwa inafikia ukingoni, siku moja Nabii Issa alikamatwa akawekwa gerezani kutokana na mpango uliokuwa umeandaliwa kwa muda mrefu na mafarisayo na masadukayo ambao wengi wao walikuwa ni viongozi wa dini.
Kwa kifupi, falsafa za Nabii Issa zilikuwa zinapingana na mwenendo wa mafarisayo na masadukayo wakati ule. Humo gerezani au rumande Nabii Issa alikutana na Barnaba ambaye alikuwa amefungwa kwa ajili ya tuhuma za wizi au ufisadi.
Kama ilivyokuwa desturi wakati ule, Pilato alitakiwa atoe hukumu kwa Nabii Issa. Pilato aliangalia tuhuma za Nabii Issa na alibaini tuhuma hazikuwa na ushahidi, hivyo akataka amwache huru. Pilato aliwauliza wale watu waliokuwa wamekusanyika kwamba amwachie nani kati ya Barnaba na Nabii Issa. Umati uliokuwepo pale ukiongozwa na mafarisayo na masadukayo walipiga kelele kwa nguvu, wakisema amwachie Barnaba! Hivyo, Barnaba akatolewa gerezani kwa shinikizo la umati wa watu.
Sababu iliyosababisha mafarisayo na masadukayo na Wayahudi wengine wamtake Pilato amwachie Barnaba ambaye walikuwa wanajua ni mwizi au fisadi ni tabia yao ya unafiki. Tunaambiwa mafarisayo na masadukayo walikuwa na elimu ya kutosha, elimu ya dini na elimu ya kawaida.
Pia walijihesabia haki ya kupitiliza. Tatizo kubwa la mafarisayo na masadukayo ilikuwa unafiki, yaani kuishi maisha ambayo yalikuwa tofauti na walivyokuwa wakihubiri na tofauti na elimu waliyokuwa nayo. Walikuwa ni wanafiki kupindukia.
Mafarisayo walikuwa wakipita barabani wakisali sala ndefu ili waonekane. Kwenye masinagogi walikaa viti vya mbele. Walipotoa sadaka makanisani, walitoa fedha nyingi kwa kuonekana ili wasifiwe.
Walipokuwa wakisali, walisali kwa sauti kubwa ili maneno yao yasikike, walipangilia sala zao vizuri kwa ufasaha ili wasifiwe. Lakini, maisha halisi ya mafarisayo na masadukayo yalikuwa ni machafu, yaliyojaa ufisadi. Mahubiri ya Nabii Issa yaliwakasirisha sana mafarisayo na masudukayo kwani aliweka wazi unafiki wao.
Walikataa mahubiri yake. Hiyo ndiyo ilikuwa sababu kuu ya kumtaka Barnaba atolewe gerezani na kumkataa nabii Issa. Lakini kwa kumkataa nabii Issa, Israel inasumbuka mpaka leo.
Ndani ya CCM, kuna kundi la wana CCM wazee ambao wanatambua kwamba CCM imefika mwisho, imechoka, imekosa mwelekeo na imepoteza sifa na heshima ya kuendelea kuongoza nchi. Wana CCM hawa wamekuwepo ndani ya CCM toka wakati wa hayati Mwalimu Nyerere.
Wanatambua tofauti ya CCM ya leo na CCM ya Nyerere. Wazee hawa katika majukwaa mbalimbali wanaikosoa sana CCM na serikali yake. Je ni nini tofauti ya wana CCM hawa na mafarisayo wa Uyahudi waliomtoa Barnaba gerezani?
Hayati Mwalimu Nyerere aliwahi kuwaambia wajumbe wa Halmashauri Kuu ya CCM, na baadhi ya wazee ninaowazungumzia walikuwepo nanukuu “Watanzania wanataka mabadiliko. Wasipoyapata, wasipoyaona ndani ya CCM watayatafuta nje ya CCM”. Baada ya kuwaambia maneno haya, wajumbe wengi wa Halmashauri Kuu ya CCM wakiwemo wazee wetu walishangilia sana.
Sijui kwa nini walishangilia, kwani tafsiri ya maneno haya ni kwamba kama CCM itashindwa kuleta mabadiliko basi Watanzania watayatafuta mabadiliko hayo kwenye vyama vya upinzani. Aidha, Hayati Mwalimu Nyerere aliwahi kusema, na wazee hawa walikuwepo “Bila CCM madhubuti nchi itayumba”.
Ni bayana kwamba CCM ya leo siyo imara tena. Na ni dhahiri nchi yetu imeyumba kutokana na uongozi legelege wa CCM. Kwani chama legelege huzaa serikali legelege.
Ninaamini pasipo shaka yoyote Nyerere angekuwepo leo asingekuwa mwana CCM. Angekuwa upinzani au raia asiye mwanachama wa chama cha siasa. Lakini siyo CCM ya leo. Lakini, wazee hawa kila mara huwa wanasema wanamuenzi Mwalimu Nyerere. Lakini tujiulize, kwa lipi?
Wanamuenzi kwa kuendelea kuwa wanachama wa CCM iliyochoka na kuacha misingi yake? Wanamuenzi kwa kuendelea kuwa wanachama wa CCM na serikali yake inayonyanyasa wakulima na wafanyakazi?.
Ikiwa CCM si madhubuti tena wanategemea nini tena wakati ni bayana mabadiliko hayataletwa na CCM? Au nao wazee hawa ni mafarisayo wa Uyahudi? Au wanayoyahubiri kwenye majukwaa si yale wanayoyaishi? Ipo siku waliyoyaficha kwa siri sana yatakuwa hadharani. Lakini ninawasihi wazee wetu, njia ya heshima ya kumuenzi Mwalimu Nyerere siyo kubaki CCM. Nawasihi watoke CCM.
Ninafahamu kwamba tuna mitazamo tofauti ya mawazo. Dhamira zetu pia hazilingani na hatuna sare za mawazo kwa wakati wote. Nitumie mfano kufafanua suala la wale ambao wamebaki ndani ya CCM ambayo imeyumba hususani wazee waliofanya kazi na Nyerere.
Tunamfahamu Musa kwenye Maandiko Matakatifu. Inaelezwa kuwa alipokuwa mtu mzima alikataa kuitwa mwana wa binti Farao, akaona ni afadhali kupata mateso pamoja na wana wa Israeli kuliko kujifurahisha kwa kitambo kwenye Ikulu ya Farao, ambaye alikuwa anawanyanyasa Waisraeli na ndugu zake. Musa aliondoka kwa Farao, ikulu iliyojaa neema.
Ndani ya CCM kumechafuka. CCM na seriklai yake inawanyanyasa Watanzania. Ni jambo la kushangaza kuona wazee waliofanya kazi na Hayati Mwalimu Nyerere wanaona fahari gani kuendelea kukaa kwenye chama ambacho kimeacha misingi yake.
Wengine wameendelea kubaki humo na mnawasikia wakipiga kelele kwamba wanaonewa. Ni rahisi kwa mtu yeyote kufikiria kwamba maslahi yao binafsi ni muhimu kuliko kuwatetea wananchi. Msanii maarufu wa Ufaransa, Cocteau, aliwahi kusema: “Ni hulka ya jamii nyingi kunyamazisha sauti huru za wapenda haki. Kwanza, zitajaribu kukushambulia kwa kukupiga. Hilo likishindikana kukunyamazisha, zitajaribu kukuua kwa kukuwekea sumu. Hilo, nalo, likishindikana, zitamalizia kwa kukumwagia sifa, heshima, tuzo na vyeo”.
Inawezekana tuzo na vyeo ndiyo sababu ya kuendelea kubaki CCM. Wako wapi leo wapambanaji 11 wa ufisadi mliowasikia mwaka 2008 na 2009? Wengine ni mawaziri, wengine ni manaibu waziri, wengine ni viongozi kwenye CCM.
Ni nini tofauti yao na mafarisayo wa Uyahudi waliomtoa Barnaba gerezani?. Lakini pia wapo waliondelea na mapambano.
Lowassa alikuwa mwana CCM aliyekulia na kutumia muda mwingi wa maisha yake akiwa CCM. Lowassa aliipenda CCM na aliipigania. Namfafananisha Lowasaa na Saul Mwebrania, msomi wa kupindukia aliyekuwa anaupenda mfumo wa kiutawala wa wakati huo na akaupigania kama Lowassa alivyoipigania CCM na serikali yake.
Kwa kifupi, Sauli alikuwa ni mmoja wa viongozi ambao walikuwa na wajibu wa kusimamia utekelezaji wa sera na mipango ya serikali ikiwemo kuhakikisha wafuasi wa Yesu au Wakristo wanadhibitiwa na hata kuangamizwa.
Siku moja Sauli akiwa katika kutekeleza maagizo ya kuwatesa Wakristo alikutana na muujiza ambao matokeo yake ulisababisha Sauli abadili msimamo na hatimaye akawa moja ya wahubiri wakuu wa injili ambayo alikuwa akiipinga. Kwa neema ya Mungu, Sauli aliweza kubadilika.
Wakati wa kumkaribisha Lowassa Chadema, Mwenyekiti wa Chadema alisema ilikuwa si kazi rahisi kumshawishi Lowassa kujiunga na Chadema. Kwa maoni yangu nasema Lowassa kuhamia Chadema ni kwa neema ya Mungu na binadamu yeyote asije kujisifu.
Nawakumbusha tena, ndani ya CCM kuna kundi la wana CCM wazee ambao wanatambua kwamba CCM imefika mwisho, imechoka, imekosa mwelekeo imepoteza sifa na heshima ya kuendelea kuongoza nchi.
Wana CCM hawa wamekuwepo ndani ya CCM tangu wakati wa hayati Mwalimu Nyerere. Wanatambua tofauti ya CCM ya leo na CCM ya Nyerere. Wazee hawa katika majukwaa mbalimbali wanaikosoa sana CCM na serikali yake, lakini ukiwaambia ondokeni huko hawaelewi wanasema watafia humo.
Ukiwauliza kwa nini wanasema wanamuenzi Mwalimu. Ukiwauliza kwa lipi? Hawana la kujibu. Naamini ipo siku Neema aliyoipata Lowassa nao wataipata na hatimaye wataihama CCM na hapo watakuwa wanamuenzi Mwalimu kwa uhalisia.
Sauli alipoanza kuihubiri injili aliyokuwa akiipinga awali watu wengi walishangaa sana na hata baadhi ya Wakristo walimnyanyapaa. Ndivyo ilivyo kwa Lowassa. Wapo wana Chadema hawakubaliani na Lowassa kuhamia Chadema. Wanalalamika. Lakini tukumbuke kwamba kule mbinguni huwa ni sherehe mwenye dhambi mmoja akibadilika.
Malaika mbinguni hawalalamiki kwa mwenye dhambi kuhama kutoka ufalme wa giza kwenda ufalme wa Mungu, hushangilia. Lowassa amebadilika, wana Chadema tumpokee.
Lowassa kuhama CCM ni muujiza, ni kwa neema sawa na Sauli wa Tarso kuiamini injili aliyoipinga. Hata kama alikuwa mchafu kiasi gani, yeye ameikana CCM na mambo yake yote, tumpokee. Kumbukeni, Sauli aliyewatesa Wakristo ndiye ambaye ameandika nyaraka nyingi na kuwafanya Wayahudi wengi waiamini Injili.
Sauli ambaye alikuja kuitwa Paulo alifanya kazi kubwa zaidi kuliko mitume walioanza na Yesu. Biblia inasema wa kwanza atakuwa wa mwisho, na Katiba ya Chadema inasema mwanachama wa Chadema aliyeingia miaka 20 iliyopita na aliyejiunga mwezi mmoja wote wana haki sawa, hivyo kama Lowassa anazo sifa za kuipatia Chadema ushindi agombee urais na wanachadema tumuunge mkono.
Namfahamu Lowassa kwa muda mrefu, nimefanya kazi naye kwa miaka minane pale Wizara ya Maji. Ana sifa moja kuu, ni jasiri. Nilikuwa mbunge wakati alipopata kashfa ya Richmond.
Niliiamini Ripoti ya Kamati Teule ya Bunge iliyoongozwa na Dk. Felix Mwakyembe Mwakyembe kama Watanzania wengine walivyoamini na kumhukumu. Lowassa ameeleza hahusiki, aliwajibika kisiasa.
Tumwamini. Marafiki za Lowassa watakaohamia Chadema wafanye ungamo lao na wapimwe imani yao.
Lowassa ana kazi moja kubwa inayohitaji neema tena. Anatakiwa kuwasamehe kwa dhati wote waliomhukumu na mmoja wao ni mimi kwa makala zangu kali. Lakini pia Lowassa amshukuru Mungu kwa Kamati Kuu ya CCM kuliondoa jina lake, kwani hapo ndipo mpango wa Mungu ulikuwa unatimia kwa yeye kuwa mgombea urais jambo ambalo lisingewezekana ndani ya CCM.
Kumbukeni Josefu aliuzwa utumwani Misri na kaka zake. Josefu aliumia sana. Lakini ilibidi awasamehe kaka zake waliofanya mpango wa kumuuza. Lakini Josefu ilibidi auzwe utumwani ili aje kuwa Waziri Mkuu wa Misri.
Lowassa amepitia misukosuko na mambo mengi magumu sana, ninaamini ni kwa ajli ya kuandaliwa kwa kuwatumikia Watanzania. Jina la Lowassa liliondolewa na watu waliokuwa ni wa karibu na yeye, marafiki zake, viongozi wenzake. Dhahabu ili iwe na thamani kubwa hupitishwa kwenye tanuru la moto mkali.
Naiona ndoto aliyonayo Lowassa ya kuwa rais inatimia. Akipitishwa na Ukawa tumuunge mkono.